ساعات الكئابه بتبقي جزء من الواحد...
والظواهر و العوامل الخارجيه بتوحي بالكئابه و للأسف الشخصيه المصريه بتحب الكئابه زي فوازير رمضان كده و الدراما في جميع المواقف الممكنه زي:
- مره ابويا عايز يوضح لي حبه فكان بأمكانه انه يقولي انا بحبك يازفت,
بس في الحقيقه انه جابها بشكل درامي "عمرك ما هتحس معني الضنى غير لما تخلف"
اييييييه!!! تصدق قفلتني يا حج من الأبوبه.
بسبب كلمه قالها بأسلوب مختلف غير احساسها جوايا و جواه و جوه اي حد سمعا, تحولت لكلمه مكئبه معبره عن معاناه الحب بين الاب و الابن, و فقدت المعني الأصلي للجمله.
قول الشيء بأسلوب سهل و بسيط يوضح احساسك الحقيقي ليها.
القابليه للكئابه نسبيه و تختلف من شخص الي اخر, ففي من هو يستسلم و في من هو يناضل من اجل الأبتسامه, العوامل الأعلاميه المصريه مساعده لتكون شخص كئيب زي: مره اخذت رفض علي الفيزا (معرفش ليه) فلما ركبت العربيه بشغل الراديو لقيت اغنيه (اتخنقت و طلعت كنت بضيع وقت) أغنية أتخنقت الأغنيه دي كفيله لأنتحاري, بس رحت مغير و بصيت للموقف بطريقه إيجابيه ان كان من الممكن يحصل لي حاجه و فعلاً لقيت عاصفه فشيخه يوم ما كنت المفروض اسافر.
أهرب من العوامل المساعده علي كئابتك.
كونك إيجابي, يكفي بأن تكون سعيداً. سر السعاده في نجاحك في الشئ الذي تحبه.
جرب و حاول وأتعب و جاهد وأوصل وبعدها بص وراك شوف مشيت قد ايه وافتخر.
لا تدع للكئابه جانب في حياتك, فهي تأخذك لسلبيه وما أدراك من الشخص السلبي, و اذا أشتد عليك الحزن حارب دموعك بأبتسامه.
اجعل أبتسامتك سلاحك لمحاربه الحزن.
تفائل و لاتضع الشيطان يأخذك الي مايريد, فالله هو من يريد سعادتك كي لا ترتكب أخطاءً , أما الشيطان هو من يريد حزنك و كئابتك كي تتبع خطوات السعاده المؤقته التي بالنهايه تتطيح بالأنسان.
لا تخجل بقول "انا سعيد"
ارجوك تبتسم, ولا داعي للحزن فالحياه تعاش مره واحده ولا مجال للندم...
No comments:
Post a Comment